जन्म - 1937
जन्म स्थान - अजमेर
ठिकाणो - अ-360, सरस्वती नगर, बासनी,
जिलो - जोधपुर
पिन कोड -342005
फोन न. - 2720796

रचना कर्म
सन 1958 रै करीब राजस्थाणी में कविता लिखणी सरू करी पैली पोथी जळ सन1974 मांय छपी (कावितावां)।
दूजी पोथी 'खुलती गांठा,ं (उपन्यास) 1977 मांय छप्यौ, जिणनै दिल्ली सूंवी.एच.डालमिया पुरस्कार मिल्यौ।
तीजी पोथी जुडाव (कावितावां) सन 1984 मांय छपी जिणणै राजस्थानी नेशनल ग्रेजुएट एशोसियेसन बम्बई सूं प्रथम पुरस्कार मिल्यौ।
चौथी पौथी 'काळजै में कलम लागी आग री' सन 1994 मांय कवितावां री छपी।
जनवादी लेखक संघ, जोधपुर रौ मंत्री रैयौ, ज.ले.सं. री राष्ट्रीय कार्यकारिणी रौ सदस्यरैयौ, राजस्थानी भाषा साहित्य अर संस्कृति अकादमी बीकानेर री कार्यकारिणी सभा रौ सदस्य रैयौ। सन 2003 मांय राज. भा.सा.स. अकादमी कानी सूं सन 2002 रौ विशिष्ट साहित्यकार सम्मान मिल्यौ।

संपादन
सन 1968 में 'जाणकारी' द्वैमासिक रौ संपादन प्रकाशन।
सन 1979 में 'अरपंच' त्रैमासिक रौ संपादन-प्रकासण।
सन 1974 में 'दीठ' त्रैमासिक रौ डॉ. तेजसिंह जोधा साथै सह-संपादन।
माणक मेंें मानद संपादन।
सन 1992 में राज भा.सा.सं.अकादमी रै वास्तै 'अंवेर' नांव सूंं काव्य संकलन रौ संपादन कियौ।
म्हारी कीं कवितावां रौ हिन्दी, उर्दू अर अंग्रेजी में अनुवाद हुयौ।
आकाशवाणी अर दूरदर्शन सूं कवितावां रौ प्रसारण।
गुजराती अर मराठी भासा रौ जाणकार।
स्टीफन ज्विग रै उपन्यास 'विराट' रौ माणक मासिक सारु अनुवाद कियौ।
गुजराती कवि जयंत पाठक रै कविता संग्रै 'अनुनय' रौ राजस्थानी अनुवाद (अप्रकाशित) कियौ।
पचास सूं वत्ती देशी-विदेशी कवितावां रा अनुवाद करिया। कई विदेशी कहाणिया रा भी अनुवाद करिया। केई संकलनां मांय म्हारी कवितावां शामिल।
कई विदेशी काहाणिया रा भी अनुवाद करिया।
केई संकलनां मांय म्हारी कवितावां शामिल।
आं दिनां एक उपन्यास अर एक डायरी (संस्मरण) माथै काम करूं हूं।

कविता

आग री ओळख
आग फकत वा इज तौ नीं व्है
जिकी निजर आया करै
झलझलाट करती अगन दीखै कोनी
पण रेत माथै बिछ जाया करै
पग धरां तौ सिक जाया करै।

आग रै उपयोग सूं पैली
उणरी ओळख जरूरी
काम काढण सारू
वा पूरी है के अधूरी
औ जाणणौ जरूरी।

बगत पडिया आग उपजावणी पडै
नीं व्है तौ अठी-उठी सूं लावणी पडै
ठंड रै भाखर हेटै
दब'र मरण सूं पैली
आग उपजाय ठंड नै पिघलावणी पडै।

कित्ती अजीब बात है
लोग हथेळी माथै हीरै ज्यूं आग धर
उणरौ सौदौ कर लिया करै
आग नै
लाग ज्यूं काम लैय'र
आपरौ बगत कारण सारू
पीढियां री गरमी नै
गिरवी धर दिया करै।

पचतां खपतां ई
नीं लाधै थांनै जे
कठेई कोई तिणग दबियोडी
कीकर वा पैदा व्है
सोच-समझावणी थनै है।
पण सैंगा पैली तूं
अगनी री ओळखाण कर लीजै।